O colectivo Enfermeiras Eventuais en Loita busca sinaturas cidadáns para un manifesto coas súas principais reivindicacións. A Xunta, lamentan, "considera que é mellor ternos sen dereitos e dispoñer de miles de profesionais formadas sen contratos estables das que poden botar man a calquera hora porque se non collen o teléfono, non comen"

O presidente da Xunta asegurou que case o 90% das enfermeiras son estables. Eventuais en Loita rebate as cifras e lembra que hai 10.787 profesionais nas listas de contratación temporal e que houbo 7.675 nas oposicións en Silleda. "Temos todas as praza e non nos enteramos?", pregúntanse.

O presidente da Xunta indigna o persoal mobilizado ao cualificar de "barbaridades" as denuncias de eventualidade na enfermería. O Sergas considera "estables" contratos de traballadoras que ocupan unha vacante que poden perder en cada concurso de traslados de profesionais fixos.

O vindeiro 12 de maio celébrase en Silleda o concurso oposición de enfermaría do Sergas, ao que concorrerán máis de 8.000 persoas. Persoal e organizacións advirten de que Sanidade denega ao persoal fixo de enfermaría días libres ese domingo e ofrece xornadas voluntarias con retribucións de 200 euros por quenda